I hob a Aquarium kriagt
mit göbe und schworze Fisch
sche putzt und sche eigricht
is es!

Komischaweis woins nix fressn
sie schlofn den gonzn Tog
vakehrt am Buckl
auf da Wosseroberflächn.

Bianca 4C

I kenn ane, die muaß Gedichtln schreibn,
oba die konn des net!
Ihr foit ei, sie kennat üba a Radl schreibn,
oba des Gedichtl is a Schas!

Es hot kan Klang und kan Schwung net.
Noch zwanzg schlechtn Gedichtln
gibts auf und loßt des
Gedichtlschreibn liaba aus.

Vera 4C

I hob a Maus griagt
a schworze mit weiße Fleckn
und an longen Schwanz.

Oba aussenehma konn i´s ned
weu sie würdat mi beißn
und a Menge Dreck mochn
mit de Sägespän.

Rumlaufn lossn konn i´s ned
weu sunst vakriacht sa se untam Kastl
und wenn i ned aufpass
knabberts ma olle Kabln on.

Streichln konn is a ned
weus dauernd auskummt,
hoitn konn is ned
weu da krabblts ma in die hoa.

Mei Mutta sogt, i vanochlässig die Maus.
Do konn i nua lochn.

Anja 4C

I hob an freind, der mia sehr om herzn liegt,
wo bei uns nua die liebe siegt.

Er hot greane augn und braune hoa
und is a gonz gonz siaßa.

Won i amol traurig bin oda an schlechtn tog hob
hüft er mia jedazeit.

Er ist da beste freind, dens gibt,
und i bin froh, dos i eam hob.

Mit eam hob i imma a leiwande zeit,
und i hob imma a freid.

I muaß imma so fü lochn,
weu ma so fü bledsinn mochn.

I muaß eam auweu onschaun,
weu er is füa mi a wohnsinn.

I hoff, des die schene zeit mit eam
no long net aus is.

Weu er is des beste in mein lebn,
i mecht eam olles gebn.

I lieb eam füa imma und ewig,
des vasprech i ma füa olle zeit.

Iris 4C

I sitz inda Bim
und des Hendi mocht "kling".
"Hallo, wea is do??" -
der Ex aus Oberlaa!

"Jo hallo Mausal, bei mia
zaus wea no a Platzal,
waßt i vamiss di
mei klans Schatzal!"

I hob di gonz oag liab,
owa dia is wuascht wos i red.
I hob di gonz stoak liab;
owa du, du intressiast di ned!

I waß es is aus zwischn uns zwa,
i fü mi valossn, i bin so alla.
Du wüßt imma nua wissn
obs ma eh guat geht,
owa zruckkumman, des tuast ned!

I hob di gonz oag liab...

Wennst ma a bissl mea Lieb schenkn tätast,
wennst a weng mea Zeit füa mi hättast,
dann wea die Wöd nimma schiaf
und da Obgrund ned so tiaf.

I hob di no imma gonz org liab,
owa dia is wuascht wos i red.
I hob di gonz stoak liab
owa du, du liegst daham im Bed.

Wos warat i ohne di?
Wos darat i ohne di?
Wos mochat i ohne di?
Üba wos lochat i ohne di?

Du gibst ma Grund zum Lochn,
i tät da jede Freid mochn.
I hob di jo so liab und gean -
und des darat i a gean von dia hearn!

Kiri 4C

I hob a Leiwl griagt
sche giftgrean mit rosane Punkte drauf.

Owa:
Jetza kau is net auziagn
weis fü z´koit is do in Wean.
In da Karibik oda so
kunt is auziagn
weis do so sche worm is!

Füleicht kunnt is nächste Wochn auziagn
wei do wirds wieda weama.

Des Leiwl hod ma mei Mama
aus St. Aegyd mitbrocht.
Ihr wissts jetza sicha net
wo des is, is owa wurscht!

Astrid 4C

I hob an Kompjuta griagt
an großn sübanen
mit an Büdschiam, ana Maus
und ana Tastatur.

Oba:
Sörfn is z´gfährlich
wegn de Virus, die´s gibt.

Tschettn derf i ned
weu i imma so an Bledsinn schreib
und nua a Schaß aussekummt.

Drucken drau i mi ned
weu da Drucka scho vü z´oid is
der kenntat zum Rauchen anfongan.

Spün kaun i ned
weu i kan Regler hob
mid dem i des Spül steian ko.

Oba jedn Tog
noch da Aufgob
wenn i die Kotz gwö
sogt der Papa zu mia:
Spü am Kompjuta!

Am liabsten ded i mi am Bodn haun
vur lauta Lochn.

Nicole 4C

I hob an kompjuta griagd
mit intanet
foi supa.

Schnö is er a
mit ana toin grafik.

Die gonze zeid bin i im intanet
ocht stund am tog.

Jetzt geht a oba nimma
weu i an virus hob.

Wos soi i mochn-
sch... technik.

Timothy 4C

I hob rollschuach griagd
rode rollschuach mid ana bremsn
und leuchtende radln.

Oba:
Im hof kaun i ned foan
wegn da wäsch von da glitschka
und weus so schebad
wauni ibas kaneugida foa.

Auf da strosn deaf i net
wegn di auto
und wegn da polizei
weuli no ned zwöfe bin.

Am gehsteig draui mi ned
wegn de leit
de wean so bes
wauma eana auf die feaschn foad.

Oba jedn dog
wau ma fad is
sogd mama:
geh rollschuach foan, madl!
Des is a witz!

Dominika 4C

Monchmoi moch ma oage Sochn
a wemmas ned imma richtig mochn.
nua mit dia moch i des
und sei bitte jetzt ned bes.

Nua mit dia wüad i Pferdln baddln
und daun treff ma uns mit unsare Madln
a wemma uns noned long kennan
nua mit dia darati nockat
am Stephanplatz umarennan.

Und wenn i di amoi ned griaß
don schau mi ned so on, du siaßes Biest.
Gean hob i di gonz bestimmt
won i mi a monchmoi danebenbenimm.

Pauline 4C